BLOGUE DA ESCOLA

A Escola Infantil de Vite xa o ten o seu propio blogue no portal de Galescolas.

A Anpa felicita á escola pola iniciativa, agardamos que ese blogue sexa un complemento ao noso e animamos aos responsables a seguir traballando para facer medrar o blogue día a día. Parabéns!

O enderezo para acceder ao blogue é o seguinte:

http://galescolas.net/blogue_centro/vite

Anuncio do segundo obradoiro de cociña

"A cociña": acercamento lúdico ó Nadal elaborando cos nenos e nenas as nosas propias golosiñas

Día: 18 de decembro de 2009
Hora: 5 da tarde
Duración: 1 hora (ou algo mais)

Obxectivo: elaborar cos nen@os as nosas propias golosiñas de Nadal, o seu envasado e etiquetado.

Metodoloxía:

1. Ante todo: mans limpas

2. Os ingredientes

3. A elaboración

4. O envasado e etiquetado

Monitor: Juan carlos Ulla, cociñeiro

Tentaremos facer, envasar e etiquetar:

Boliñas de coco e leite
Ingredientes: coco relado, leite condensada

Ruliños de galleta e noces
Ingredientes: galletas moídas, noces moídas e leite condensada, vermicwelli de azúcre

Figuriñas mazapán
Ingredientes: mazapán (almendra moída, azúcre), ovo

Panellest de piñóns
Ingredientes: améndoa moída, clara de ovo, azúcre lustre, piñóns, xema

Anuncio do primeiro obradoiro de cociña do curso 2008-09

Iniciánse os obradoiros de cociña do curso 2008-09 dirixidos aos pais e nais do centro.

Primeiro obradoiro de cociña

“Coñecemento do medio: A COCIÑA”

Día: 11 de decembro de 2009
Lugar: comedor da escola
Hora: 5 da tarde
Duración: 1 hora

Obxectivo: Coñecer onde se reciben e se elaboran os alimentos.

Programa:
1. A cociña e as súas partes
2. A recepción das mercadorías e o seu control
3. A almacenaxe
4. A seguridade alimentaria: eixe fundamental. Trazabilidade, mantemento e control

Metodoloxía:
1. Recepción e avance da actividade: Gloria (directora)
2. Visita comentada das instalacións: cociña e despensa
3. Cuestionario anónimo ( xa no comedor) sobre o observado
4. Debate
5. Remate: Gloria

Monitor: Juan Carlos Ulla, cociñeiro

Os pais e nais que o dexesen poden acudir cos seus fillos/as.

Reportaxe fotográfica na escola

Nota da directora:

O próximo día 27 de Novembro virá ó centro un fotógrafo coa finalidade de facer unha reportaxe fotográfica ós nenos/as. O prezo da reportaxe é de 20 euros.

INCLÚE:

- Foto lienzo
- Foto de grupo
- Calendario con foto

Os pais que non queiran que se lle fagan as fotos ó seu fillo/a, deben comunicarllo á súa educadora.

Reunión das educadoras de 1-2 anos cos pais e nais

As educadoras das aulas de 1-2 anos, Aurora López, Estrella e Elvi, fixeron e pasáronnos o seguinte resumo da reunión que tiveron cos pais e nais o mércores 5 de novembro.

Na reunión tratamos os seguintes temas:

- Como foi o período de adaptación nas tres aulas e a valoración do mesmo.

- As actividades que se van levar a cabo neste trimestre, que van ser as seguintes:
- O magosto

- O outono
- O Nadal

Para realizar estas actividades pedimos a colaboración dos pais/nais para que, coa axuda dos seus fillos e fillas recollan follas secas e ourizos de castañas.

Cos ourizos aprenderémoslle aos nenos onde están escondidas as castañas, pisándoas cos pes.

Coas follas secas o que faremos será metelas nunca funda de plástico para que se tiren enriba. Tamén queremos que as vexan, as collan, as levanten, escoiten o ruído que fan, etc.

Outra actividade que faremos coas follas será encher o patio cuberto de abaixo e esconderse nelas, tiralas ao aire, darlles co pe, etc.

Celebraremos o magosto vendo as castañas crúas, cocidas e asadas. Asaremos as castañas no patio de abaixo, facendo un pequeño lume con candea, e comerémolas.

- Tamén pedimos a colaboración dos pais e nais na recollida de materiais caseiros que empregaremos para levar a cabo, no vindeiro trimestre, o xogo heurístico. Este xogo farémolo na aula de durmir.

- Por último, recordamos a importancia de cumprir as normas do centro.

Os Hábitos na escola

Escrito por Sonia, educadora do grupo de 2-3 anos:

Os hábitos son pautas de comportamento que axudan aos nenos e nenas a construir a súa propia autonomía e fan posible a convivencia cos demais. A medida que se automatizan unha serie de hábitos, o neno pode avanzar na adquisición de novas aprendizajes.

O traballo dos hábitos na escola abrangue varios ámbitos:


- Vestido: recoñecer a propia roupa, gardala e colaborar no feito de vestirse.


- Xantar: sentarse na mesa correctamente, beber polo vaso, control da culler e do garfo, saber comer sós.


- Hixiene: lavar as mans e a cara antes e despois de comer, sentarse no orinal ata conseguir ir ao baño de forma autónoma.


- Sono: ser capaz de conciliar o son osos, sen a presencia de luz ou xoquetes.


- Traballo: coidar o material e saber recollelo, prestar atención nas tarefas.


- Sociabilidade: falar sen berrar, agardar quenda, compartir material, saudar, despedirse e pedir por favor, resolver os conflictos sen agresións.

Menús de outono-inverno 2008-09

Nota: Juan Carlos fixo algunhas modificacións nos menús da tempada outono-inverno do curso 2008-09. Nas ligazóns aos menús que están na parte esquerda do blog xa están sustituidos os menús antigos polos novos

Reunión das educadoras de 2-3 anos cos pais e nais

A reunión foi presentada polas tres educadoras de 2-3 anos: Ana, Sonia e Susana.

Ana falou da importancia de cumprir as normas, e insistiu especialmente nas seguintes cuestións:

1.- É moi importante que os nenos/as entren puntuais pola mañá, antes das 10, porque a partir desa hora empezan as actividades nas aulas e deben estar todos dentro para que non haixa interrupcións.

2.- É fundamental que a roupa e todos os obxectos personais dos nenos e nenas (como por exemplo o chupete) estean marcados co seu nome, pois esto axudará a evitar que haixa confusións ou perdas.

3.- A roupa debe ser cómoda, e fácil de sacar para facilitar o control de esfínteres. O calzado mais axeitado é o que se cerra con velcro, porque evita as caídas que se producen ao pisar cordóns.

4.- É recomendable que as nenas non leven coletas que elas poidan quitarse, porque perden as gomas e outros nenos poden tragalas. E sobre todo non deberían levar pinzas no pelo.

5.- É mellor evitar que os nenos/as leven cadenas, pulseiras ou pendentes.

6.- Por seguridade, se unha persoa distinta á habitual vai recoller o neno ou nena, débese avisar con antelación dando o seu nome e o DNI.

Sonia contou o contido da unidade didáctica que están desenvolvendo neste primeiro trimestre, a do outono:

- Nas primeiras semanas, as actividades que fixeron estaban encamiñadas a que os nenos/as se adaptaran e coñeceran ben o centro.

- Agora fan actividades para aprender hábitos e costumes e coñecer as partes do corpo, entre outras.

- Para as actividades do outono é importante a colaboración dos pais e nais, levando follas secas e froitos desta estación. Precisan bastantes follas secas para poder facer unha alfombra con elas.

- No mes de novembro, cando o tempo o permita, van facer un magosto, no que prepararán castañas cocidas e asadas para que os nenos e nenas as proben das dúas formas e vexan a diferenza.

Susana comentou principalmente dúas cuestións:

- Para a aprendizaxe dos nenos/as son moi importantes as rutinas. Eles aprenden os hábitos a base de repetición das mesmas cousas todos os días: por exemplo, lavar as mans antes de comer, comer sós, etc. Para a consolidación destes hábitos é fundamental a colaboración dos pais e nais, que debemos seguir na casa as mesmas rutinas que teñen na escola, na medida do posible. Por esta razón, pedirémoslle que nos pasen un listado das rutinas que debemos ter en conta e publicarémolas no blog.

- Para calquera cuestión ou dúbida que queiramos aclarar coa educadora do noso fillo/a podemos solicitar unha titoría con ela. As titorías serán no seu horario de traballo (pola mañán) polo que deben ser solicitadas en Dirección cunha antelación de dous ou tres días para que poidan organizar a atención do seu grupo con persoal de apoio.

Novo calendario de vacinación infantil

A Dirección Xeral de Saúde Pública da Xunta de Galicia actualizou recentemente o calendario de vacinación infantil. O calendario oficial actual (para os menores de 3 anos) é o seguinte:

Receita de bolos suizos

Juan Carlos enviounos a seguinte receita:

BOLOS SUIZOS

Ingredientes:

- 500 g. fariña
- 30 g. levadura de panadería (prensada)
- ¼ l. de leite
- 40 g. manteiga ou margarina
- 50 g. azucre
- 2 ovos
- 1 culleradiña de sal
- reladura de medio limón e de ½ laranxa


Preparación:

- Nun recipiente botar o leite tibio, o azúcre e a levadura prensada desmenuzada e misturar ben. Engadir un pouco de fariña, misturar e deixar repousar tapado ata que a levadura empece a fermentar.

- Chegado ese momento, engadir o sal, a manteiga fundida, os ovos e as reladuras de laranxa e limón xunto co resto da fariña. Amasar ata que a masa deixe de estar pegañosa.

- Golpear a masa sobre a mesa, untada cun pouco de aceite de xirasol para que non se pegue, unhas cantas veces ata que quede suave e empecen a aparecer ampollas na masa. Tapar cun pano e poñela a levedar (subir) nun ditio resgaradado de correntes ata que alcance o dobre do seu volume.

- Facer bolas duns 40 g. E poñelas de novo a levedar sobre unha bandexa engraxada ou sobre papel de forno ata que dobren o seu volume.

- Cando medren, pintar os bolos con coidado con ovo batido, facerlles uns cortes cunhas tixeiras ou cun coitelo afiado, espolvorear con azúcre e cocer no forno (que teremos prequentado a 200/200º) durante uns 25-30 minutos.

Notas:

- Podemos sustituir a manteiga ou margarina por aceite de oliva ou xirasol no que podemos fritir lixeiramente a pel de ½ laranxa e de ½ limón, deixándoo atemperar antes de botalo co resto de ingredientes.

- Tamén podemos sustituir o leite por auga, se queremos que nos salgan máis pálidos. Polo contrario, se nos gustan os bolos máis oscuros, debemos deixar o leite e, ademia, pintalos so coa xema en lugar do ovo enteiro.

- A cantidade de fariña pode variar un pouco en + ou -, en función da fortaleza e humidade de esta. A masa resultante debe ser blanda e suave. Sabremos que unha fariña é forte (propia para masas e bolería que teñan que subir) cando ao coller un puñado e abrir a man a fariña desmorónase. Se, polo contrario, a fariña permanece apelmazada estaremos ante una fariña floxa, axeitada para fritos, cremas, bechameles, etc.

- Esta fómula, con pequenas variacións serve para: o roscón, as trenzas, os bolos de leite, os panecillos de manteiga, a larpeira etc.

Menús da escola do 10-Novembro ao 12-Decembro

Menús para as próximas 5 semanas:

- 10-14 de Novembro: Menú 1

- 17-21 de Novembro: Menú 2

- 24-28 de Novembro: Menú 3

- 1-5 de Decembro: Menú 4

- 9-12 de Decembro: Menú 5

Reunións do persoal educativo cos pais e nais

NOTA DE DIRECCIÓN:

Menús da escola do 6-Outubro ao 7-Novembro

Juan Carlos xa sustituiu os menús de primavera-verán 2008 polos novos menús do outono-inverno 2008-09. Estes menús están dispoñibles en pdf na parte esquerda do blog.

Os menús para as próximas 5 semanas son:

- 6-10 de Outubro: Menú 1

- 13-17 de Outubro: Menú 2

- 20-24 de Outubro: Menú 3

- 27-31 de Outubro: Menú 4

- 3-7 de Novembro: Menú 5

Entrevista a Juan Carlos Ulla, cociñeiro do centro

Juan Carlos Ulla é o cociñeiro da nosa escola. Ó longo do curso pasado colaborou activamente coa Anpa poñendo á nosa disposición os menús semanais para publicalos no blog, enviándonos información sobre os pratos dos menús, organizando desinteresadamente obradoiros de cociña dirixidos tanto a nais e pais como aos cativos e, en definitiva, poñéndose sempre á nosa disposición para calquera cuestión na que nos puidese axudar.

Queremos dende aquí facer público o noso agradecemento por todo esto e esperamos seguir contando coa súa colaboración durante este novo curso.

Para que coñezades mellor a Juan Carlos, a persoa que diariamente prepara a comida que toman os vosos fillos/as, fixémoslle unha entrevista e estas son as súas interesantes respostas:

- ¿Canto tempo levas traballando na Escola Infantil de Vite?
En setembro fixo dous anos

- ¿E gústache o teu traballo de cociñeiro?

Moito, pero mais cociñar que facer de comer

- ¿Sempre traballaches de cociñeiro en escolas infantís? Fálanos un pouco da túa traxectoria profesional
Empecei no Restaurante Vilas de Santiago, (deso xa fai 37 anos), estiven uns anos na Rede de Paradores do Estado e alí fixen a Escola de Cociña. No ano 73 concedéronme o Primer Premio de Receitas de España. Naveguei uns anos como cociñeiro en barcos ingleses e no ano 81 empecei a traballar para o entonces INSERSO. No 82 gano por oposición a praza de Xefe de Cociña da Residencia Asistida de Oleiros e a de Primeiro Cociñeiro da Residencia das Rodas de Santiago en onde estiven 24 anos, ata que fun trasladado a Vite, tres dos últimos estiven nela de Xefe de Cociña. Nestes 24 anos collín unha corta excedencia para poder impartir un curso de cociña do INEN o ter aprobado as súas probas do Ficheiro de Expertos.

- Ademais de cociñar, ¿cales son as túas tarefas como cociñeiro da escola?
Control da despensa diaria, facer pedidos , control diario de temperaturas tanto do que se cociña como de neveira e conxelador, control da trazabilidade dos alimentos, elaboración de menús e supervisión da cociña.

- ¿Varía moito a forma de traballar dependendo de se os menús son para nenos ou para adultos?
A verdade non moito, salvando o propio duns comensais de 0 a tres anos: introdución pautada de novos alimentos, a ausencia de espiñas e osos pola súa seguridade e que todo, ou case todo, vai servido moi picadiño e os postres que en certa lóxica son mais limitados que nos adultos.

- ¿Cociñas menús para nenos con alerxias ou intolerancias?
O curso pasado tan so para dous celíacos, e catro ou cinco prohibicións puntuais. No meu destino anterior si tiña que cociñar un prolixo número de dietas, intolerancias e prohibicións propias da idade dos comensais.

- Sabemos que es celíaco ¿é difícil ser cociñeiro e celíaco?
Debería selo, incluso sería unha boa razón para non selo, por aquilo de ter que probar o que fas, e hai mas glúten do que se ve que está alí, pero iso de ser celíaco dende fai 57 anos faite estar mais concienciado con esta e outras limitacións alimentarias.

- Pola túa experiencia, ¿cales son os pratos que mais lles gustan aos nenos?
Polo xeral todo o que lles resulte mais cómodo: a pasta, sobre todo con tomate, as distintas cremas de verduras, as sopas, eso si, de pasta e os distintos fritos: as patacas, o peixe empanado, en tempura, orlí, etc. A pera, cando está no seu punto xunto co iogur son os seus postres preferidos.

- ¿Paréceche importante facer actividades cos nenos na cociña?
Mais que na cociña, de cociña. A min paréceme moi importante que os nenos teñan actividades de cociña e que coñezan o maior número de alimentos e que participen no seu proceso de elaboración. Non se pode apreciar nada que se descoñece e a comida e o acto de comer, forma parte indiscutible da súa socialización.

- ¿Qué opinas sobre a implicación das educadoras nestas tarefas?
Toda a comunidade, deberiase implicar e colaborar nun proxecto educativo

- Sabemos que es unha persoa moi activa, que sempre estás facendo cousas, cóntanos algo sobre as actividades que desenvolves fora da escola.
Estou facendo IV Ciclo universitario na USC dende fai tres anos. Ademais dirixo en Boiro a única Escola Municipal de Consumo que temos. Colaboro puntualmente (dende fai moitos anos) con algúns medios de comunicación en temas de consumo (fun Presidente do Consello Galego de Consumo e fundador da Asociación de Consumidores Galegos), participo en dous programas de radio na semana e escribo de vez en cando.
De cando en vez tamén imparto charlas, cursos de cociña ou de igualdade e teño feito demostracións de cociña para unha importantísima cadea de supermercados no lanzamento de novas sedes ou en Semana Verde.

- Para rematar, cóntanos cal é a túa especialidade.
Non sabería dicilo con total seguridade, creo que dánseme ven os currys indios, os potaxes e as salsas. Disfruto como dicía o meu mestre Benavides, facendo “si sales” que son pratiños ou postres, xurdidos da inspiración dun sobrante ou da escasede mais inmediata.

MOITAS GRAZAS POR TODO, JUAN CARLOS!

Obradoiro de masaxe infantil

Como algúns xa sabedes, o curso pasado desenvolveuse na escola infantil de Vite un obradoiro de psicomotricidade cos nenos de 1-3 anos impartido por Silvia Caneda, da empresa Seiva. Para este curso, Silvia propúxolle á Anpa a organización dun obradoiro de masaxe infantil, coas seguintes características:

1. Obxectivos
- Aprender a dar masaxes ao bebé
- Coñecer os beneficios do tacto en idades temperás
- Crear un espazo de encontro entre pais/nais/bebés e educadores.
- Fomentar a creación de momentos de comunicación íntimos entre pais/nais e fillos/as.
- Fomentar a expresión da afectividade por medio do tacto

2. Destinatarios
O obradoiro vai dirixido a nais e pais que teñen fillos/as con idades comprendida entre os 4 meses e os 3 anos. O obradoiro está especificamente deseñado para dar unha boa atención a sete familias entendendo como familias a nai, o pai, o titor/a (nos casos que proceda) que poden asistir sós ou xuntos e os/as fillas/os correspondentes.

3. Programación
1.A historia da masaxe infantil: principais beneficios.
2. A masaxe afectiva e plancenteira para o bebé: abdomen, tórax e espalda.
3. A masaxe afectiva e placenteira: brazos e pernas.
4. A masaxe terapéutica no bebé. Nocións básicas e achegamento da facioterapia aplicada a bebés.
5. Contido práctico de todas as actividades durante as sesións.

4. Actividades
Cada sesión está dividida en dúas partes:
· Unha parte teórica na que se proporcionará aos pais e nais as nocións básicas necesarias para o desenvolvemento da sesión.
· Unha parte práctica deseñada exclusivamente para o traballo cos bebés (para que os pais e nais poidan poñer en práctica o aprendido baixo a supervisión da profesional) e que terá unha duración mínima de media hora.

5. Recursos materiais
Este obradoiro precisa dun espazo e unhas condicións determinadas:
- Unha sala grande que permita a todos os asistentes ao obradoiro moverse con certa folgura
- As condicións ambientais, posto que se vai traballar cos bebés, deben cumplir un mínimo de temperatura (25ºC).
- Precísase ademais de colchonetas para cada un dos bebés e unha toalla que deberán traer os pais/nais onde se deitará o bebé.
- Aceite de masaxe e recipiente proporcionado por Seiva.

6. Recursos humanos
O desenvolvemento do obradoiro será levado a cabo por unha psicomotricista formada en masaxe infantil pola Asociación Española de Masaje Infantil (AEMI), asociación destinada a promover os beneficios da masaxe infantil. AEMI está integrada dentro da Asociación Internacional de Masaje Infantil (IAIM) con sede en Suecia, da cal forman parte na actualidade uns 30 países do mundo.

7. Temporalización
O obradoiro está deseñado para ser impartido en cinco sesións dunha hora e media de duración cada unha onde serán postas en práctica todas as actividades expostas. Estas sesións deberán ter unha periocidade aproximada dunha sesión por semana.

O obradoiro ten un custo de 50 € por familia, e a directora da escola autorizounos a utilizar a sala de usos múltiples para organizalo. Se estades interesados en participar podedes enviar unha mensaxe á conta da Anpa (anpa.vite@gmail.com) e, se xuntamos un grupo, podemos organizalo.

Podedes consultar o proxecto mais detallado en:

PROXECTO OBRADOIRO MASAXE

Menús da escola

O cociñeiro da escola, Juan Carlos, elaborou os menús semanais que preparan cada día na cociña para os nosos fillos/as. Estes menús teñen as seguintes características:

- Hai 5 menús semanais que van rotando, aínda que están suxeitos a cambios puntuais. Neste momento, os menús que se preparan son os da tempada Primaveira-Verán 2008.

- En cada menú, a columna da dereita corresponde aos purés dos mais pequenos, e a columna da esquerda contén as comidas que non se trituran.

- Un menú dunha semana inclúe un guiso, un plato de pasta, un postre caseiro e un postre sorpresa. Normalmente son platos cun certo nivel de elaboración, para deixar que as cousas sinxelas (tortilla, croquetas, salchichas) as poidamos facer na casa. Tódolos platos son caseiros, elaborados na cociña da escola, excepto o iogur.

Na zona esquerda do blog está o acceso a estes 5 menús. Para facilitar a consulta, cada 5 semanas poñeremos unha entrada no blog indicando os menús que corresponden a cada semana. Os menús das próximas semanas son:

- Semana do 22-26 de setembro: Menú 4

- Semana do 29 setembro ao 3 outubro: Menú 5

Normas da escola

A Dirección da escola lémbranos a importancia de cumprir as normas do centro. Poñemos aquí algunhas relativas ao horario, pero podedes consultar o documento completo na seguinte ligazón: Normas 2008-09

HORARIO: 7:30 a 20:00 h

ENTRADA: Ata as 10:00 pola mañá, e a partir das 15:00 pola tarde. É importante avisar en caso de retraso.

SAÍDA:
- Os nenos e nenas que non comen no Centro, serán recollidos ás 11.55 , si son do grupos de 0-1 ou 1-2; e ás 12.15,os de 2 anos en diante.
- Os nenos e nenas que comen e se van despois de comer, recolleranse ás 12.40 os de 0-2 anos, e ás 13.10 os maiores de 2 anos
- A partir das 15.00 podense recoller os nenos/as a calquer hora ata as 20.00 que pecha o Centro.

Curso 2008-09

Por fin retomamos as actividades do blog tras o comezo do novo curso 2008-09 o pasado día 3 de setembro. Esperamos contar co voso interese e a vosa colaboración!

Este curso, a distribución do persoal educativo por aula é a seguinte:

0-1 ano:
- Aula de Tula a xirafa: Dulce Morales
- Aula de Rufo o león: María Castro
- Aula de Bembo o elefante: Jose Mato

1-2 anos:
- Aula do galo Kiriko: Elvira Ochaíta
- Aula da vaca Clarita: Estrella Armesto
- Aula do cabalo Galopín: Aurora López

2-3 anos:
- Aula de Paco o rato: Susana Moldes
- Aula de Pati a ratiña: Ana Lourido
- Aula de Popi o rato: Sonia Recouso

Persoal de apoio: Aurora Costa e Cristina Rey

Anuncio da festa de fin de curso

Anuncio do segundo obradoiro de psicomotricidade cos pais e nais

O próximo mércores, 25 de xuño, como remate dos obradoiros de psicomotricidade, haberá outra sesión aberta á participación das nais e dos pais cos seus fillos/as.

Día: 25 de xuño
Hora: 5 da tarde
Lugar: sala de usos múltiples da escola
Requisitos: levar roupa cómoda e calcetíns porque hai que descalzarse

Aviso: a próxima semana, a sesión de psicomotricidade do grupo 2-3 anos de María será o luns e lugar do xoves.

Festa de fin de curso

O venres da vindeira semana, día 27 de xuño, celebrarase na escola unha FESTA DE FIN DE CURSO, na que estamos convidados a participar todos os pais e nais e tamén os avós e avoas.

Aínda están por concretar as actividades que se farán, terémosvos informados.

¡ANIMÁDEVOS A PARTICIPAR!

Segundo obradoiro de nais e pais

O pasado venres día 13 tivemos na escola o segundo obradoiro de nais e pais, impartido por Julio Paz, sobre a estimulación e relaxación a través das masaxes.

Julio falounos dos beneficios das masaxes, das distintas técnicas de masaxe que existen, e deunos consellos sobre o xeito adecuado de dar masaxes aos nosos fillos/as. Tamén nos mostrou o funcionamento dun aparello profesional para dar masaxes, que probou en algún dos asistentes.

Ademais, entregóunos información xeral sobre as masaxes que podedes consultar en Wikipedia: Masaxe

Dende aquí queremos agradecerlle a Julio a súa colaboración coa escola e o tempo que nos adicou.

Reportaxe do quinto obradoiro de cociña

O martes da semana pasada, 10 de xuño, tivemos na escola o quinto obradoiro de cociña, no que Juan Carlos nos aprendeu a preparar tres tipos de fritos:

Tempura de verduras:

- Auga moi fría

- Sal

- Fariña

- Verduras en xuliana: cebola, porro, cenoria, cabaciño, pemento, ...

Ponse nun bol unha pouca auga, o mais fría posible, botáselle o sal, e vaise engadindo fariña e misturando coas varillas ata conseguir a textura dunha crema lixeira. Con esta crema rebózanse as verduras cortadas en xuliana e frítense en abundante aceite.

Gambas en gabardina:

- 2 claras de ovo

- Maicena

- Sal

- Gamas peladas, deixándolle a cola

Póñense nun bol as claras de ovo, botáselle sal, e vaise engadindo maicena e misturando coas varillas ata conseguir a textura dunha crema algo espesa. Con esta crema rebózanse as gambas, ás que se lle pode poñer un palillo se non teñen a cola, e frítense en abundante aceite.

Buñuelos de vento:

- 150 gr de auga

- 150 gr de margarina

- 150 gr de fariña

- Sal

- 2 ovos

Ponse a ferver a auga co sal e a margarina, e cando ferve sepárse do lume e engádese a fariña de golpe, misturando ben cunha espátula. Despois vanse engadindo os ovos un a un, ata conseguir unha crema homoxénea. Cunha culler cóllense pequenas porcións que se botan na sartén, e formarán bolas.

Todos, ata os mais pequenos, colaboramos na elaboración das receitas, e finalmente degustamos o resultado. Todo estaba riquísimo!

Menús da escola do 23-Xuño ao 24-Xullo

Os menús para as próximas 5 semanas son:

- 23-27 de Xuño: Menú 1

- 30 de Xuño-4 de Xullo: Menú 2

- 7-11 de Xullo: Menú 3

- 14-18 de Xullo: Menú 4

- 21-24 de Xullo: Menú 5

AVISO: cambio de data para o obradoiro de masaxes

O obradoiro de masaxes que estaba previsto para hoxe tívose que cambiar para o venres 13 (á mesma hora), a petición do pai que o vai impartir

Actividade nas aulas de 1-2 anos: aprendendo a coñecer a primaveira

Estes días, cando recollía á miña filla, chamáronme a atención uns vasos de iogur que había na aula e nos que medraban unhas plantas. Pregunteille á educadora, Ana, e ela explicoume a actividade que estaban desenvolvendo:

- Como están coa unidade didáctica da primaveira, decidiron plantar unhas sementes co obxectivo de que os cativos aprendan a diferenciar as estacións.

- A actividade comenzou o día 21 de maio, cando plantaron as sementes en vasos de iogur, unha para cada neno e nena dos grupos de 1-2 anos.

- As sementes que plantaron son de caléndula e prímula, e os nenos/as réganas cada dous días mentres observan con curiosidade como medran. A todos lles encantan as súas plantiñas!

Este é o resultado:

Anuncio do segundo obradoiro de nais e pais

A próxima semana teremos na escola o segundo obradoiro de nais e pais:

"Eu sei: estimulación e relaxación a través das masaxes"

Día: mércores 11 de xuño de 2008

Lugar: sala de usos múltiples

Hora: 5 da tarde

Impartido por: Julio Paz Losada, pai dun neno do grupo de 2-3 anos

Está dirixido a todos os pais e nais do centro cos seus fillos/as, e vai ser sobre todo práctico.

Primeiro obradoiro de nais e pais

O pasado venres 16 de maio desenvolveuse na nosa escola o primeiro obradoiro de nais e pais:

Eu son violinista

Foi impartido por Kiyoko Ohasi, nai dunha nena de 2-3 anos, que foi á escola para falarlles da súa profesión aos nenos e nenas dese grupo.

Programa:

- A nai presentoulles o violín, as súas partes e como funciona.
- A nai tocou unha peza de música clásica uns minutos.
- Para finalizar, acompañou ao violín unha canción infantil.

Programación didáctica dos obradoiros de pais e nais

A directora da escola entregounos a programación didáctica dos obradoiros de pais e nais para darlle difusión no blog. Resumimos aquí os principais puntos, pero podedes consultar o proxecto completo na seguinte ligazón:

Obradoiros de pais e nais: “Eu son..., Eu sei...”

Obxectivos didácticos

• Coñecer distintas profesións próximas ao neno, valorando a súa utilidade.
• Identificar algunhas profesións por obxectos, vestimenta ou accións que se dan no seu desenvolvemento.
• Participar en simulacións de situacións propias dunha profesión, con axuda de familiares.
• Desenvolver o gusto pola observación e o respeto, en actividades grupais.

Contidos

Conceptuais:
• Ocupacións e servizos da nosa comunidade.
• Profesións próximas á realidade do neno.

Procedimentais:
• Coñecer algunhas profesións próximas ao contorno do neno.
• Identificar algunhas profesións de maneira significativa.
• Simular accións vistas de profesionais.

Actitudinais:
• Valorar as actividades que desempeñan os profesionais.
• Gusto por coñecer as profesións doutros pais e nais.
• Participar en actividades conxuntas.

Os obradoiros faranse en sesións de 30 minutos, contando coa colaboración dos pais/nais ou familiares próximos aos nenos. Previamente ao "obradoiro de pais e nais" faranse breves actividades no aula ilustrando con fotos e relatos (a poder ser tamén con disfraces ou utensilios propios da profesión a tratar) aquelas situacións nas que se vai a desenvolver o obradoiro.

Anuncio do quinto obradoiro de cociña (práctico)

“Os fritidos: tráennos fritos”: A elaboración de alimentos do neno preescolar de 1 a 3 anos (II)

Día: 10 de xuño de 2008
Lugar: comedor da escola
Hora: 5 da tarde
Duración: 1 hora

Obxectivo:
Coñecer tres técnicas para a elaboración de alimentos en fritura.

Programa:
1. Tempura: verduras.
2. Gabardina: froita.
3. Buñuelos de vento: postre.

Monitor: Juan Carlos Ulla, cociñeiro

Curiosidades sobre algúns platos dos menús

Por Juan Carlos Ulla:

Nugggets de polo: básicamente son trozos de pechuga con un doble rebozado y aromatizadas con cebolla y ajo.
Esta receta la popularizó Mac Donald. En Vite las haremos con trozos de pollo fresco, salpimentado y ligeramente adobado con ajo y aceite de oliva. Luego Irán empanados (no rebozados) una vez sola con: harina (trigo y maicena), almendra molida, huevo batido y pan rayado. Fritos en abundante aceite de oliva bien caliente.

Cous-cus de cordero: el cous-cus es el plato básico y tradicional sobre todo de Marruecos. Se basa en una sémola de trigo cocida al vapor que acompaña a un guiso. En este caso es pierna de cordero fresco y deshuesado, que se guisará con abundante verdura: cebolla, ajo, puerro, pimiento verde y rojo.

Sopa vermicelli: la pasta de fideos finos se denomina cabello de ángel o vermicelli que era como en un principio se conocía la pasta tipo fideo fino procedente de China, solo que allí, en China, se elabora con soja o arroz en lugar de trigo como en Europa. Estos fideos finos son la pasta, en este caso, de una sopa con caldo de pollo, naturalmente hecho en Vite con pollo y verduras.

Flamenquins de peixe: Los flamenquines se denominan a una forma de presentación y elaboración : enrollados sobre si mismos. En este caso se hará de la siguiente forma: sobre loncha fina de jamón cocido al natural colocaremos un trozo (tira) de pescado y una tira fina de pimiento morrón rojo. Lo envolveremos sobre si mismo ,liándolo como si fuese un cigarrillo y lo empanaremos con: harina, huevo batido y pan rayado, friéndolo en abundante aceite de oliva bien caliente.

Pabellón criollo: En Sudamérica es plato cotidiano de la clase humilde. Tiene algunas variantes en función de que nos lo comamos en Venezuela, Colombia o Brasil. Es un plato mixto que se compone de : alubias pequeñas y negras cocidas, arroz en blanco, carne mechada y plátano macho frito.
En este caso no le pondremos el plátano macho frito, pero si todo lo demás: el arroz, las alubias negras y la carne mechada. La carne mechada en Colombia y Venezuela es carne cocida (tipo falda o aguja) que después de cocida se deshilacha, se le saca los pellejos y grasa y se pasa por un refrito de cebolla, ajo, perejil y algo de comino. En Brasil la carne mechada es sustituida por la carne de cebú seca mezclada con mandioca y se llama, en lugar de pabellón, "Feixoada" por los Feixos o alubias negras diminutas.

Pastel de peixe: como todos los "pasteles" o pudines están basados en un ingrediente que le da nombre, en este caso: pescado sin espinas ni piel, huevos enteros, nata de leche, sal, pimienta blanca molida y un toque de salsa de tomate para darle un bonito color rosado pálido. Todo bien mezclado y cocido en el horno al baño maría.

Arroz al horno: es un arroz eminentemente rural de la zona de Valencia, poco conocido pero muy rico. La receta de los paisanos de por allí es un arroz hecho en cazuela de barro con: costilla de cerdo, morcilla, sofrito (ajo, tomate, pimentón y azafrán) y arroz al que se le pone por encima unas rodajas de patatas crudas y con piel para que se haga con el arroz, arroz que debe quedar seco y tostadito por encima.
A los niños no le echaremos costilla de cerdo, por cuestiones de seguridad, ni morcilla. Lo haremos con un fondo de pollo con un sofrito, ternera y pollo y unas patatitas en cuadraditos (sin piel) y esperemos les gusten.

Procedemento de matrícula para o curso 2008-09

Xa está no portal de Galescolas a información sobre o procedemento de matrícula nas escolas infantís 0-3 dependentes da Vicepresidencia da Igualdade e do Benestar, que resumimos aquí:

Documentación a presentar:
- Impreso de matrícula que se pode obter na escola ou na seguinte ligazón: impreso matrícula

- Certificado médico da/o nena/o.
- Unha fotografía recente tamaño carné da/o nena/o.

Prazo de presentación:
Dez días naturais, dende o 1 ata o 10 de xuño, ambos os dous incluídos.

Lugar de presentación:
A escola.

IMPORTANTE: Se non se presenta a devandita documentación no prazo sinalado, terase por decaída a solicitude da praza.

Recollida de firmas

A escola colabora coa campaña de recollida de firmas levada a cabo pola "Asociación Juvenil Nuevo Drom" a favor da cadena perpetua para os pederastas, e tamén para solicitar a creación dunha lista pública de pederastas, tanto a nivel nacional coma internacional.

Podedes consultar a información na páxina web:

Asociación Juvenil Nuevo Drom

Se estades interesados en colaborar coa vosa firma, podedes pedir no centro a folla de firmas.

Menús da escola do 19-Maio ao 20-Xuño

Os menús para as próximas 5 semanas son:

- 19-23 de Maio: Menú 1

- 26-30 de Maio: Menú 2

- 2-6 de Xuño: Menú 3

- 9-13 de Xuño: Menú 4

- 16-20 de Xuño: Menú 5

Menús da tempada Primaveira/Verán 2008

O cociñeiro da escola, Juan Carlos, elaborou os novos menús para a tempada Primaveira/Verán de este ano. Coma os da tempada Outono/Inverno, estes menús teñen as seguintes características:

- Hai 5 menús semanais que van rotando, aínda que están suxeitos a cambios puntuais.

- En cada menú, a columna da dereita corresponde aos purés dos mais pequenos, e a columna da esquerda contén as comidas que non se trituran.

- Un menú dunha semana inclúe un guiso, un plato de pasta, un postre caseiro e un postre sorpresa. Normalmente son platos cun certo nivel de elaboración, para deixar que as cousas sinxelas (tortilla, croquetas, salchichas) as poidamos facer na casa. Tódolos platos son caseiros, elaborados na cociña da escola, excepto o iogur.

- Ademais, estes novos menús conteñen algúns platos da cociña internacional:

- Cous-cous de cordeiro

- Pabellón criollo

- Tahllin de polo con arroz basmati

Na zona esquerda do blog está o acceso a estes 5 menús. Para facilitar a consulta, cada 5 semanas poñeremos unha entrada no blog indicando os menús que corresponden a cada semana.

Proposta de Gloria: obradoiros impartidos por nais e pais

A directora da escola, Gloria, quere organizar unha serie de obradoiros contando coa colaboración dos pais e nais. Esta é a proposta que nos fai:

Nais / pais: agora vos toca

Debido ás características psicoevolutivas dos nenos, a relación familia-escola é un dos aspectos fundamentais da súa calidade e eficacia. Trátase de establecer unha comunicación e intercambio de información non só administrativa ou informativa, senón tamén enriquecedora na que todos aprendamos de todos.

Dende a escola propoñemos iniciar unha serie de obradoiros onde vos, os pais/nais, poidades ser os protagonistas. Podemos establecer dúas modalidades:

Eu son…

Neste obradoiro trátase que o pai/nai ou outro familiar interesado mostre a súa profesión ou oficio aos nenos e nenas.

Eu sei...

Todas as persoas temos algo que mostrar: unha habilidade especial, un saber facer determinadas cousas. En definitiva, unha experiencia que só é enriquecedora para nos e para os demais cando a compartimos

Pedimos a vosa colaboración.
Todos temos algo que ensinar.

Sesión de psicomotricidade coas nais e pais

O xoves pasado, 8 de maio, tivemos na escola a sesión de psicomotricidade aberta a nais e pais, na que nos xuntamos un grupo bastante numeroso.

Silvia Caneda, a monitora de psicomotricidade que traballa a cotío cos nosos fillos e fillas, dirixiu a sesión. O que fixemos foi repetir cos nenos/as os rituais e xogos que fan normalmente nestas clases. Todos nos divertimos moito!

Cando rematamos, Silvia entregounos un documento no que explica a sistemática habitual das clases de psicomotricidade. Reproducimos aquí os momentos dunha sesión:

1º momento: RITUAL DE ENTRADA:
Quitamos os zapatos, momeamos a todos os que estamos ese día e tamén ós que non poden estar hoxe, recordamos as normas (pasalo ben e tratarnos ben, non facernos daño nin a nos mesmos nin ós demais).

2º momento: TEMPO DE EXPRESIVIDADE MOTRIZ:
Colocámonos de pe en frente do muro de bloques de espuma que imos tirar. Ó grito de "preparados, listos, xa!" empeza o xogo, tiramos o muro, salto, balanceo, carreira, etc.
Dependendo da idade dos nenos e nenas o xogo será distinto, irá evolucionando e nos debemos favorecer esa evolución sen esquecer a liberdade, proceso e autonomía de cada un dos nenos e nenas.

3º Momento: HISTORIA NARRADA:
As historias ou contos que son narradas ós nenos e nenas deben manter os dous rexistros: a subida das emocións e do medo e a volta á calma para a súa seguranza.

4º Momento: EXPRESIVIDADE GRÁFICA:
Sería o momento da expresividade a través do debuxo ou das construccións de madeira. Ata o de agora os nenos e nenas da Escola Infantil de Vite non tuveron este momento aislado ó final, o debuxo foi realizado libremente tendo habilitada unha mesa co material en todo momento.

5º Momento: RITUAL DE SAÍDA:
O ritual de saída pode ser variable en función da idade dos participantes na sesión de psicomotricidade. Pode ser unha canción antes dos tres anos; a partir dos tres anos soe consistir en contar como o pasaron. Poñernos os zapatos e despedirnos da sala ata a próxima semana.

Reunión da Anpa con Gloria

Cun pouco de retraso, a Anpa quere dar públicamente a benvida á directora da escola, Gloria, que se reincorporou ao seu posto o día 23 de abril trala súa maternidade, pola que lle damos os nosos parabéns. A Anpa xa mantivo unha reunión con Gloria a mesma semana da súa volta; resumimos aquí os temas tratados:

1. A necesitade de que exista unha comunicación fluída entre a Anpa e a Dirección, polo que Gloria nos proporcionou o enderezo electrónico da escola. Pola súa banda, a Anpa puxo a disposición da Dirección o seu blog e a súa conta de correo electrónico.

2.. Tanto a Dirección como a Anpa puxeron de manifesto as ganas de colaborar e de traballar conxuntamente en beneficio dos nenos/as, pois entendemos que debe existir una relación estreita entre as familias e a escola.

3. Gloria mostrou a súa preocupación pola pouca implicación das nais e pais nas actividades da escola. A Anpa está de acordo con esta preocupación, polo que lle ofrecemos o noso apoio para motivar e dinamizar a participación dos pais e nais.

4. A Dirección puxo o seu ordenador a disposición de calquera pai ou nai que non teña correo electrónico e que estea interesada en acceder ao blog ou comunicarse coa Anpa dende a conta de correo da escola.

5. Tamén se recalcou que as principais novas que se poñan no blog serán colocadas tamén en carteis de aviso na porta de entrada da escola, de xeito que todos os pais e nais teñan acceso á información.

6. Como punto importante, Gloria insistiu na importancia de cumprir as normas da escola para o bo desenvolvemento das actividades diarias, en concreto é fundamental a puntualidade. A anpa xa ten recollidas no blog as normas da escola e invitou a Gloria a comunicarnos calquera modificación das mesmas para actualizalas no blog.

7. A directora mostrou a súa intención de que se continuaran facendo as actividades que estaban en marcha cando chegou. Tamén se mostrou moi interesada en organizar obradoiros relacionados coa música, por exemplo, contando coa colaboración dos pais e nais que tocasen algún instrumento.

8. Ademais, comentounos que lle gustaría organizar obradoiros adicados a profesións nos que se involucrasen pais e nais que teñan a profesión elexida. Tamén lle gustaría que os avós tiveran un espazo na escola.

9. Con respecto á excursión ao Auditorio, que se tivo que cancelar dúas veces por mor do mal tempo, mostrouse favorable a organizar ésta ou outra, pero sempre que a escola conte cun seguro escolar, do que de momento carece, xa que ela non asume o risco.

10. Gloria tamén recalcou que grazas ás melloras nas instalacións e ó novo material recibido na escola, atópase moi motivada e contenta de ver como a escola mellora.

11. Uns dos puntos da nosa conversa foi a falta de persoal no centro, e a necesidade de contar con mais persoal de apoio, xa que na escola existe unha alta taxa de baixas, e cubrir temporalmente os postos resulta complexo nalgunhas ocasións.

Participación das nais e pais no obradoiro de psicomotricidade

O próximo xoves, 8 de maio, haberá unha sesión especial do obradoiro de psicomotricidade na que poderán participar as nais e os pais cos seus fillos/as.

Día: 8 de maio

Hora: 5 da tarde

Lugar: sala de usos múltiples da escola

Requisitos: levar roupa cómoda e calcetíns porque hai que descalzarse

- Recordamos a importancia de que os nenos e nenas asistan á escola con roupa e calzado cómodos o día que teñan obradoiro de psicomotricidade, preferiblemente chandal e zapatillas de deporte.

- Tamén é importante que o calzado non teña cordóns, para facilitar a tarea de quitalos e poñelos. Os cordóns pódense sustituir por unha cinta elástica, que as hai de diferentes cores.

- Ademais, é recomendable que os calcetíns teñan suela antideslizante, para evitar que os cativos esvaren. Unha solución sinxela é botarlle ós calcetíns unhas gotas de pintura de tela.

- Houbo algúns cambios nos horarios das psicomotricidade, que resumimos a continuación para que saibades o día que que lle toca ó vosos fillos ou fillas:

- Martes: Sonia, Marta (grupos 1-2) e Aurora Costa (grupo 2-3)

- Mércores: Susana (grupo 1-2) e Aurora López (grupo 2-3)

- Xoves: María (grupo 2-3)

Tutorías de Susana

O mércores da semana pasada, 16 de abril, Susana (T.E.X.I. de 1-2 anos) adicou unha hora despois da súa xornada para recibir aos pais e nais interesados en falar con ela. Estas tutorías repetiranse periódicamente:

1.-Serán os martes, cada 15 dias

2.-O horario será de 15:00-16:00 horas

3.-Serán de carácter individualizado

A segunda reunión celebrouse o mércores 30 de abril. Podedes consultar o resumo aquí:

Reunión con Susana (30-abril)

Agradecemento a Isabel

Como todos sabedes, durante os últimos meses, Isabel Buesa foi a directora da Escola Infantil de Vite, en sustitución de Gloria, que desfrutaba un permiso de maternidade.

Onte, martes 22, rematou este permiso e Isabel tivo que deixar o posto que viña ocupando. Por este motivo, dende a Anpa queremos manifestar o noso sinceiro agradecemento ó labor desenvolvido por Isabel durante o seu período como directora da nosa escola.

Nestes 6 meses, Isabel organizou festas en días sinalados, impulsou a posta en marcha de diferentes obradoiros dirixidos tanto aos cativos como aos pais e nais e, en resumo, traballou sen descanso a fin de mellorar o funcionamento do centro, promover a participación das familias na escola e favorecer a realización de actividades entre os cativos.

Este é un listado das principais actividades promovidas por ela:

- Celebración da festa de Nadal (21-12-2007)

- Celebración do Día Mundial da Paz (31-01-08)

- Celebración da festa de Entroido (01-02-08)

- Celebración do Día da Árbore (14-03-08)

- Charla sobre a enfermidade celíaca (01-04-08)

- Obradoiro de psicomotricidade para os nenos e nenas, de marzo a xuño

- Obradoiro de música para os nenos e nenas, marzo e abril

- Obradoiro de facer pan nas aulas, durante o mes de abril

- Obradoiros de cociña para pais e nais, de febreiro a abril

Por todo o seu esforzo, MOITAS GRAZAS!

-

Cancelación da excursión ó Auditorio

A excursión ó Auditorio de Galicia que estaba prevista para o venres pasado, 18 de abril, tivo que ser suspendida polo mal tempo. En principio só se atrasou para o martes desta semana, onte, pero finalmente tívose que suspender a causa do mal tempo.

De todos os xeitos, dende a Anpa queremos agradecer a Isabel o esforzo na organización deste actividade, e ás persoas que colaboraron con ela.

Receita da torta de zanahoria

Aquí tendes unha nova receita que nos enviou Juan Carlos:

Torta de zanahoria

Ingredientes:
- 250 grs. de zanahoria crúa e relada
- 125 grs. de manteiga ou margarina
- 100 grs. de azucre
- 1 sobre de levadura química
- 200 grs. de fariña (de trigo ou de millo)
- 2 ovos
- 60 grs. de pistachos picados (ou noces, avellanas, ...)
- unha culleradiña de canela

Preparación:
- Misturar os ovos co azucre e batelos ata que dobren o seu volume
- Engadir pouco a pouco a manteiga fundida e, a continuación, a fariña, a canela e a levadura
- Por último, incorporar de xeito envolvente as zananorias reladas e os pistachos lixeiramente troceados
- Verter nun molde untado de manteiga e fornear durante unha hora a 150º

Excursión ó Auditorio de Galicia

O venres 18 de abril, os nenos e nenas de 2-3 anos sairán de excursión para facer unha visita guiada ó Auditorio de Galicia, onde a banda de música tocará unha peza para eles, e pasearán polo parque que rodea o Auditorio.

Irán acompañados por:
- Dúas educadoras por aula,
- A directora da escola, Isabel,
- A enfermeira, Laura
- A mestra en prácticas, Miriam
- Rosa López
- Dous ou tres pais ou nais que se animen

Fotos do grupo 0-2 anos

Mañá mércores irá de novo o fotógrafo ao centro para repetir as fotos aos nenos e nenas que saíron mal na primeira proba.

Reportaxe do cuarto obradoiro de cociña

O martes da semana pasada, 8 de abril, tivemos na escola o cuarto obradoiro de cociña, no que un grupo de nenos e nenas entre 1 e 3 anos fixeron pan coa axuda de Juan Carlos, Isabel e os pais e nais.

Primeiro botaron a auga nun bol, a continuación o sal e a levadura en pó e, por último, a fariña...¡e a amasar! para uns foi moi divertido, a outros en cambio non lles gustou tanto manchar as mans, pero para todos foi unha boa experiencia.

Para rematar, fixemos unha merendola de pan e chocolate, co pan amasado polos cativos, ademais de outros boliños que xa tiña preparados Juan Carlos...Hummmm ¡que rico estaba todo!

Orla de fin de curso

A directora da escola está a organizar a elaboración dunha ORLA para os nenos e nenas de 2-3 anos, que están no seu último ano na escola. As fotos faranse o xoves 10 de abril, ás 10:30 da mañán.

Información sobre a enfermidade celíaca

O martes da semana pasada, 1 de abril, tivemos na escola unha charla sobre a enfermidade celíaca e a dieta sen glute, impartida por Mª Teresa García Férnandez, da Asociación de Celíacos de Galicia (ACEGA).

Ademais de facer unha interesante presentación, Mª Teresa repartiu entre os asistentes uns folletos de información que poñemos aquí por si é do voso interese:

INFORMACIÓN CELÍACOS

Menús da escola do 7-Abril ao 9-Maio

Os menús para as próximas 5 semanas son:

- 7-11 de Abril: Menú 1

- 14-18 de Abril: Menú 2

- 21-25 de Abril: Menú 3

- 28 de Abril-2 de Maio: Menú 4

- 5-9 de Maio: Menú 5

Anuncio do cuarto obradoiro de cociña (práctico)

“Metidos xa en fariña”: A elaboración de pan

Día: 8 de abril de 2008
Lugar: comedor da escola
Hora: 5 da tarde
Duración: 1 hora

Obxectivo:
Que os nenos e nenas de 1 a 3 anos preparen pan.

Programa:
1. Amasar
2. Dar forma
3. Levedar
4. Cocer no forno

Monitor: Juan Carlos Ulla, cociñeiro

Reportaxe do terceiro obradoiro de cociña

O martes da semana pasada, 25 de marzo, tivemos na escola o terceiro obradoiro de cociña, no que preparamos, e posteriormente degustamos, os tres pratos dun menú:

- Crema de cabaciños
- Peixe en papillote
- Froitas á prancha con chocolate

Ademais de poder ver en directo a preparación dos distintos pratos, tivemos a ocasión de colaborar con Juan Carlos na elaboración. Foi un obradoiro moi ameno e, ademais...¡todo estaba riquísimo!

Celebración do Día da Árbore

O venres 14 de marzo celebrouse na escola o Día da Árbore.

Por mediación da Anpa foi cedido á escola un lote de 45 árbores de 9 especies diferentes (5 árbores por especie) que se prantaron no xardín do patio do grupo de 2-3 anos. Na seguinte táboa podedes ver o nome das especies:

Todos os nenos e nenas de 1-2 anos e de 2-3 anos saíron ao patio, clase por clase, e cun caldeiro e unha pala axudaron a prantar as árbores e a regalas.

Charla sobre a enfermidade celíaca

O vindeiro martes, 1 de abril, teremos no centro a seguinte charla:

A enfermidade celíaca e as dietas sen gluten

Día: 1 de abril de 2008

Hora: 5 da tarde

Lugar: comedor da escola

Ponente: Mª Teresa García Fernández, enfermeira do centro de saúde de Vite. Asociación Galega de Enfermos Celíacos (ACEGA).

Estades invitados a participar todos os interesados no tema, teñades ou non vinculación coa escola infantil de Vite.

Cambio de data para as fotos

Debido a que hoxe chegou, por fin, o mobiliario do centro, e aínda está sen colocar, a directora decidiu retrasar a reportaxe fotográfica dos nenos e nenas de 0-2 anos para o vindeiro martes día 1 de abril.

No grupo de 2-3 anos vaise facer unha orla, pero aínda non está fixada a data para facer as fotos. Xa vos avisaremos.

Fotos dos nenos/as

O venres 28 de marzo vai ir á escola un fotógrafo para facer fotos individuais aos nenos e nenas de 0-1 ano e de 1-2 anos. Chegará sobre as 10 e media.

Anuncio do terceiro obradoiro de cociña (práctico)

“Metidos xa en fariña”: A elaboración de alimentos do neno preescolar de 1 a 3 anos

Día: 25 de marzo de 2008
Lugar: comedor da escola
Hora: 5 da tarde Duración: 1 hora

Obxectivo:

Coñecer tres técnicas para elaboración de alimentos.

Programa:

1. Cocido: crema de cabaciño.

2. Papillote (vapor): um peixe com verduras.

3. Prancha: froita.

Monitor: Juan Carlos Ulla, cociñeiro

Receita de uñas de porco: "Mans de ministro"

Por Juan Carlos Ulla:

Como sabedes, estamos no San Lázaro e, en Santiago no barrio deste nome, tódolos anos se subastan uñas de porco procedentes das matanzas caseiras. Estas uñas de porco debidamente salgadas é tradición comelas nos bares da zona, cocidas e acompañadas de patacas, chourizo e bertóns de repolo ou de coles, segundo o noso particular desexo.

Os franceses son partidarios de comer as uñas recheas, ou acompañadas dun choucrut, repolo fermentado por outra banda típico da rexión da Alsacia. Os españois, entre eles os galegos, ademais de comelas como fan os do barrio compostelán de San lázaro, solen formar parte do cocido (pegado ou non ó lacón) ou dos callos, ven sexan estes de garavanzos ou de fabas, segundo a zoa. Pero tamén forman parte do "receitario irónico" moi usual da cociña da última metade do pasado século vinte, coñecida popularmente como "mans de ministro".

Ingredientes: uñas de porco desalgadas ao noso gusto, cebola, allo, loureiro, pan relado, ovos, fariña, perexil, tomate triturado e aceite abundante para fritidas, sal se é preciso e algo de picante se é así o noso gusto.

Forma de facelas:

- Poñemos a cocer as uñas (xa desalgadas) e cortadas pola metade, cunha cebola, unha folla de loureiro, una rama de perexil e uns dentes de allo, hasta que estean tan cocidiñas que se desprendan facilmente os seus osos, osos que quitaremos unha vez mornas, deixando tan so os da propia pezuña, co fin de que manteña a uña a súa forma orixinal. Reservámolas.

- Nunha tarteira baixa poñemos un pouco de aceite e nel refogamos a lume moi baixo: cebola picada, allo picado, e folla de loureiro. Cando todo estea brandiño botámoslle o tomate triturado e sen pel e unha cuchariña de azucre para quitar a acidez e deixamos cocer esta salsa (á que lle podemos botar unha guindilla se nos gusta o picante) uns vinte ou trinta minutos a fogo suave e removendo de vez en cando.

- A parte nunha tixola ou sartén poñémola ó lume vivo con abundante aceite e nel fritimos as uñas reservadas, pasándoas primeiro por fariña, ovo batido (con algo de perexil e allo picado) e pan relado. Cando estean douradas as uñas botámolas na salsa de tomate e cubrímolas con ela, metendo as uñas ó forno uns quince minutos a temperatura moderada.

- Unha guarnición de patacas cocidas ou fritidas ou un pouco de arroz en branco será unha boa guarnición para este saboroso e contundente prato.

Reportaxe do segundo obradoiro de cociña

O martes da semana pasada, 4 de marzo, tivemos na escola o segundo obradoiro de cociña, adicado aos distintos menús que se preparan a diario na escola. Juan Carlos comenzou facendo unha presentación sobre a alimentación do neno preescolar, e mostrounos unhas cantas fotos dos pratos que prepara, e que comen os nosos nenos e nenas.

Aquí tendes un resumo do que nos contou: Resumo 2º obradoiro

Despois fixo un percorrido por cada un dos pratos que compoñen os 5 menús de outono inverno, explicounos algunhas receitas, e tivemos ocasión de preguntarlle todas as dúbidas que nos ían xurdindo.

Obradoiro de psicomotricidade

De Marzo a Xuño deste ano impartirase na Escola Infantil de Vite un obradoiro de psicomotricidade financiado pola Secretaría Xeral da Igualdade e impartido por Silvia Caneda da empresa Seiva (Servicios Integrais de Educación e Calidade). O proxecto pretende mellorar as posibilidades e calidades educativas do centro, de maneira que se poidan beneficiar os alumnos/as, o persoal docente e as familias.

Este obradoiro está dirixido aos nenos e nenas de 1-3 anos, que recibirán unha sesión semanal de 40 minutos. O alumnado destas idades repártese do xeito seguinte:

1-2 anos: 3 grupos de 11, 12 e 13 nenos e nenas.

2-3 anos: 3 grupos de 13, 16 e 18 nenos e nenas.

A fin de que os grupos para o obradoiro non sexan moi numerosos, o grupo mái grande (de 2-3 anos) dividirase en dous subgrupos, polo que resultan 7 grupos en total. En función destes grupos, os horarios organízanse do xeito seguinte:

Martes:

- 10:10 a 10:50: Primeiro grupo de 1-2 anos, T.E.X.I Sonia

- 11:00 a 11:40: Segundo grupo de 1-2 anos, T.E.X.I Marta

- 11:50 a 12:30: Primeiro grupo de 2-3 anos, T.E.X.I Belén

Mércores:

- 10:10 a 10:50: Terceiro grupo de 1-2 anos, T.E.X.I Susana

- 11:00 a 11:40: Segundo grupo de 2-3 anos, T.E.X.I Aurora López

- 11:50 a 12:30: Terceiro Grupo de 2-3 anos, T.E.X.I Mª carmen Castro

Xoves:

- 10:10 a 10:50: Cuarto grupo de 2-3 anos, T.E.X.I Mª Carmen Castro

O día que os vosos fillos/as teñan obradoiro é importante que leven calzado e roupa cómoda.

Tamén haberá dúas sesións de traballo cos pais e nais, dunha duración aproximada de hora e media cada unha.

Obradoiro de música

Esta semana empeza a impartirse na escola un obradoiro de música organizado pola directora, Isabel, e impartido por Miriam Piñeiro López, mestra en prácticas.

O obradoiro estará dirixido a todos os nenos e nenas da escola, coa seguinte programación:

- Grupo de 0-1 ano: 1 sesión semanal de 15 minutos

- Grupo de 1-2 anos: 1 sesión semanal de 60 minutos

- Grupo de 2-3 anos: 1 sesión semanal de 60 minutos

As sesións faranse os luns e venres.

O obxectivo xeral do obradoiro é desenvolver integralmente ao alumnado en todos os campos sensoriais, e os contidos específicos varían segundo a idade dos nenos e nenas:

Grupo de 0-1 anos:
- Canción clásica
- Canción moderna
- Canción contemporánea

Grupo de 1-2 anos:
- Altura dos sons
- Intensidade dos sons
- Movemento polo espazo
- Ritmo e prosodia

Grupo de 2-3 anos:
- Cancións infantís
- Conto musical
- Improvisación e substitución de xestos
- Dirección da canción aos seus semellantes

Reserva de praza

Onte (4 de marzo) publicouse no Diario Oficial de Galicia a orde do 27 de febreiro de 2008 pola que se regula o procedemento de adxudicación de prazas nas escolas infantís 0-3 dependentes da Vicepresidencia da Igualdade e do Benestar para o curso 2008/2009. Podedes consultar toda a información no Portal de Galescolas (http://www.galescolas.net/).

A orde dirixida ao persoal de Servizos Centrais da Xunta aínda non saiu.

Anuncio do segundo obradoiro de cociña

Os distintos menús da escola (1º)

Día: 4 de marzo de 2008
Lugar: comedor do persoal
Hora: 5 da tarde
Duración: 1 hora

Obxectivo:
Coñecer os distintos menús que se elaboran a diario.

Programa:
1. Xeneralidades na elaboración dos menús.
2. As distintas dietas e particularidades.

3. 10 menús de 5 días para catro estacións.

4. Primeiros pratos, a súa composición e elaboración.

5. Segundos pratos, a súa composición e elaboración.

6. Os distintos postres: froitas, iogures e pastelería caseira.

Metodoloxía:

17:00 - Recepción no recibidor.

17:05 - Comezo,no comedor do persoal, por parte do cociñeiro: puntos 1, 2 e 3.

17:20 - Exposición dos distintos pratos e os seus comentarios.

18:00 - Remate do obradoiro.

Contémplase a posibilidade de cubrir un cuestionario.

Monitor:
Juan Carlos Ulla, cociñeiro

Menús da escola do 3-Marzo ao 4-Abril

Os menús para as próximas 5 semanas son:

- 3-7 de Marzo: Menú 1

- 10-14 de Marzo: Menú 2

- 17-18 de Marzo: Menú 3

- 24-28 de Marzo: Menú 4

- 31 de Marzo-4 de Abril: Menú 5

NOVA

O BLOG DA ANPA DA ESCOLA INFANTIL DE VITE XA ESTÁ COLGADO DO PORTAL DE GALESCOLAS

Portal de Galescolas

Reportaxe do primeiro obradoiro de cociña

O martes desta semana, 19 de febreiro, tivemos na escola o primeiro obradoiro de cociña que anunciamos a semana pasada.

Asistiu un grupo reducido de nais e pais, xunto cos seus fillos/as, ademais da directora do centro, Isabel, e o cociñeiro, Juan Carlos. Os asistentes consideramos que o obradoiro foi moi interesante e quedamos moi satisfeitos da nosa participación.

No transcurso do obradoiro visitamos a cociña, a despensa, enterámonos de como se fai o control de alimentos na cociña e, finalmente, tivemos un debate no comedor.

Dende aquí queremos manifestar o noso agradecemento a Isabel e a Juan Carlos polo seu tempo e a súa adicación.